يوميات فى حياتى ( البدايه )

حياتى كلها من اولها لاخرها او الى الان مش عارف اقيمها ازاى مره تبقى حلوه ومره تبقى مره ومره تبقى يعنى ماشى الحال معاها ومره تبقى اعوز بالله منها ومره انا بأكون عايز اطير من الفرح عارفين احلى حاجه فى حياتى انا ايه انى بحس  ايوه احلى حاجه انى لسه عندى احساس بحس ومش عارف اوصفلكم ازاى الاهم انى والحمد لله عندى الحاجه دى ربنا يسهل ان شاء الله واتخرج واتجوز  بقى اللى نفسى فيها اتجوز ايه لما اكون نفسى الاول عايز ابنى قصر عايز ابقى انسان شخصيه محترم ابقى واحد من الناس واحد من كل الناس الناس اللى فوق واللى تحت الناس الشمال والناس اليمين الناس الكويسين والناس العفشين ايوه انا عايز ابقى كل الناس بس برضه اكون انا نفسى انا ما اكونشى حد تانى تقولولى ازاى مش عارف الاهم انى اكون اجدع واحد فى الدنيا
امتى يجى اليوم اللى اشوف فيه تبارك ومحمد انا واعد نفسى ان شاء الله لو جبت بنت هأسميها تبارك ولو ولد هأسميه محمد زى اسمى يعنى يبقى اسمه محمد محمد حياتى الى الان  مليانه بالاحزان وكمان فيها حاجه حلوه بس الاحزان غطت عليها كل يوم أصحى الصبح بدرى على الملاعب بتاعتى واخلص اتغدى وانا م واروح محاضرات نظرى اجى مهلوك افرفش كده مع اى حيوان من اصحابى ايوه حيوانات وللأسف هما حيوانات وبعد كده انام وهكذ كل يوم لحد ما زهقت خلاص مشاكل يمين وشمال دنيا غريبه عجيبه والله مش عارف امتى هيجى اليوم اللى الواحد فيه يستريح افكار واحلام وأهات وغرائب تراودنى بس مش عارف ازاى ازاى ازاى ازاى ربنا يسهل

أحكيلكم موقف يضحك
اقولكوا بلاش خليها فى الحلقه القادمه