لاضافة تعليق على احد الموضوعات إضغط على عنوان الموضوع ليتم فتحه فى صفحه جديده أو إضغط على كلمة التعليقات أسفل كل موضوع
ملحوظه : الصور التى فى يمين الصفحه بالظغط عليها تدخل الى الموقع المشار اليه فى كلمات الصوره
سيادة الرئيس مش كفايك عليك كدة
سيدى الريس وعدت فى البرنامج الانتخابى بالاتى
تزايد اعداد البطالة فى كل محافظات مصر
ازدياد عدد طاوبير العيش
ندرة اللحوم والفراخ لمنع الامراض
زيادة نسبة الفساد
القضاء على كل من سوالت له نفسه بالكلام
القضاء على المنافسين الشرفاء
القضاء على حرية الراى
تشريد المواطنين من البيوت
بناء الفيلاة والابراج السكانية لاود الوزارة
تعليم كل انواع السرقة والنهب ببلاش
واهم حاجة تورايث الكرسى لجمال واولاده
واخيرا وليس النهاية نحب نشكر الريس لاهتمامه بنا نحن الشعب الحقود اللى مش عجبه حاجة
كفايه يا مصريين يا ولاد بلدي
كفايه والله حرام اللي بتعملوه دا
عمالين تقولو مصر عملت وسوت وتمدحو في نظامنا المصري الفاشل
ايوا صح مصر حاربت وهزمت الاسرائليين وساعدت كتير الدول العربيه
بس للاسف دا كان زمان لان ببساطه مصر دلوقتي متقدرش تعمل حاجه
لان الفساد فيها للركب واللي قال الكلمه دي رئيس الوزراء المصري
ياليت الحكومة المصرية تقدم للمقاومة نفس المساعدات التي قدمتها للجيش الأمريكي فى غزو العراق.
لن أسمح بحصار اهل غزة .... ياسلام على هذه الشعارات الرنانه يا ياسيادة الرئيس !!!!! ظهر الآن للأسف الوجه القبيح عن أسباب ودواعي حصار غزة ؟؟!!!! فالرجاء الرجاء أن لا تتحدث عن الوطنية والمزايدات ؟؟!!! فمن يا ترى يصدر الغاز للعدو الصهيوني وبأقل الأثمان ويحرمها عن غزة
ايوا لازم الرئيس يفتح المعبر حرام يكون ناس بتموت وبتتيتم وبتنجرح واحنا نقول هنا مش عايزين حرب كفايه الحرب اللي عملتها مصر زمان
لااااااااااا لااااااااااااااااا والف لااااااااااااا
قال رسول الله صلى الله عليه وسلم...من لم يهتم بأمر المسلمين فليس منهم
كما قال أيضا
مثل المسلمين في توادهم وتراحمهم وتعاطفهم كمثل الجسد الواحد .. إذا اشتكى منه عضو تداعى له سائر الجسد بالسهر والحمى
كل من لم يهتم بأمر المسلمين هو ناقص للإيمان
بارك الله في كل من فعل قضية عزة ... ودافع عن إخواننا في فلسطين المسلمين
والخزي والعار على من هاجمهم في محنتهم .
والله العظيم هذه أفضل فرصة للقضاء على الكيان الصهيونى . دا كام صاروخ ما يموتش صرصار بيخليهم يهربوا تحت الأرض . متخييلين قد ايه هما جبنا . أمال لو حاربنا بالطائرات هيعملوا ايه مش هتلاقى يهودى واحد داخل اسرائيل . يا يارب الحكام اللى اتشال منهم ريحة الدم يفهموا بقى واللى يقول ان اسرائيل قويه ولو دخلنا معاهم حرب ياريت يفهم بقى دا الجهاد فريضة وربنا وعدنا بالنصر لو انت مسلم وموحد ومؤمن لن تقول غير ذلك .
بالله عليكم كفايه كلام
كفايه ان حكومتنا الرشيده عماله تصدر غاز لارائيسل واحنا ساكتي دي بتصدره بارخص الاثمان عشان يصنعو منو اسلحه تضرب بيها الفلسطنيين وقريبا جدا حتضرب بيها كل الامه الاسلاميه لو فضلنا ساكتين وكل واحد بيتكلم عن بلد وبيدافع عن بلده
ألف رحمة ونور عليك ياشعب مات من زمان
ياشعب حفر قبره بأيديه وهال التراب عليه
واختار يموت موتة جبان 000
ياشعب اتحرق وغرق واتسرق00
وجاع وصاع وضاع00
ومرض واتهلك000
لاجل حفنة من غيلان 000
معقول ياشعب مصري إن حفنة من لصوص
تسرق ضمير 000
تمانين مليون جبان000
معقول نركب ديول زي البهايم والحمير ويا الخيول00
ونعيش عبيد زي الحريم زي الجواري000
في الحرملك أو زي تنابلة السلطان 000
ياشعب تاهت خطوته وحظوته وسطوته وغابت ضحكته 00
وسرقوا اللقمة ومعاها البسمة من شفته00
وحتي الأمان 000
ياشعب راضي ليه بالمهانة وليه الذل عنوانك والأستكانة
ياشعبي عيش أنسان00
أو موت أنسان 000
قوم ياشعب وشق القبر وانفض ترابه من تاني من عليك
قوم ولملم خيوط الفجر من تاني جوه في عينيك 00
قوم ودوس برجليك 00
علي سوس عضامك والديدان000
أصرخ وقول لكل الدنيا من تاني أنا المصري000
أنا نيل وهرم 00أنا الراعي مش الغنم 000أنا رافض للصنم00
أنا رسالة عيسي ومحمد 000
أنا أنجيل وقرآن 0000
أنا أنسان
في بلادي …
ناس كتيرة ماتت متسرطنة
وناس غيرها ماتت متحسرة
وناس ماتت في البحار غريقة
وغيرهم أكلتهم نار الحريقة
وناس مؤدة تحت صخور الجبال
وناس ساكنة أحواش المقابر
أو في خيمة مشدودة بالحبا ل
في بلادي …
سرقوا الحب من قلوب البنات والعذاري .. سرقوا حتي الحلم ..
والفرحة والطرحة …. وفستان الزفا ف
سرقوا حتي الأمل من عيون الشباب اللي شاب ؟
سرقوا البكارة والشرف وحتي العفا ف
سرقوا حتي اللقمة من بق اليتيم ؟
سرقوا حتي من الغلابة حد الكفا ف ؟
في بلادي …
مات الشاطر حسن وساب فينا أبونا وأمنا الغول ؟
وشعب أخرس حزين ممنوع من الكلام والقول ؟
وناس بتموت من الكافيار والكل مات بالفول
وناس تقول العيب فينا …والكل يقول في راس الغول ؟
في بلادي …
ساكنة فيها كل ملوك الشر…. من ملوك الجن وملوك البشر
ساكنة فيها الشياطين والسلاطين والقوادين واللواطين
ساكنة فيها السياط والعياط والنواح مع أبشع الجلادين
ساكنة فيها السجون والخراب والبوم والشوم والزنازين
في بلادي …
ناس عايشة في قصور دفيانين ومحفلطين وملمعين
وناس ماشية بتبكي وبتكلم نفسها وعلي الخد دمعتين
وناس ياعيني بتدور في الزبالة علي لقمتين
وناس تانية بتلعب جولف ومش سامعة الأنين
في بلادي …
التعالب والحيتان والضباع والنسور والديابة
والكلاب اللي بتنهش في عرض الغلابة
وفيران بتطارد أسود من جوه غابة ؟
وناس علي البورش نايمة وقايمة
وناس راكبة بورش وعلي وش الفتة عايمة
في بلادي …
باعوا القطاع العام وباعوا المصانع والمزارع واللي زارع ؟
والموظف في الشوارع ياعيني علي وجهه هام
والعامل بقي زيه علي القهاوي صايع ؟
والكل بيجري ورا سراب أو حلم ضايع ؟
في بلادي …
سرقوا البنوك والمتاجر والمواطن والمهاجر وقطعوا حتي الحناجر
سرقوا الأثار سرقوا الحديد والأراضي والمبا ني والمحاجر
سرقوا حتي بصيص الأمل من العيون في المحاجر
اعتمدوا لغة الرصاص والبصاص والمخبرين والخناجر
في بلادي …
سرقوا الزمان ونهبوا المكان وحتي حقي في الأمان
من البيوت ومن الجيران ومن الشوارع والأزقة والحواري
وباعوا الضمير الحر في سوق النخاسة والجواري
باعوا الشرف وباعوا الرايات وباعوا البيارق مع السواري
وحرقوا الكتب وقصفوا القلم وبقي الألم مع الشجن دليلي ومساري؟
في بلادي
وفي الختام أقول
سعيكم مشكور في المرحومة مصر
ولا عزاء للرجال
ليه لحد دلوقتى مش عايز تاخد قرار ضد اسرائيل . ليه لحد دلوقتى مش عايز تقطع العلاقات . ليه لحد دلوقتى مش عايز تقطع الغاز . كنت بتتحجج قبل كده بالمعونة الأمريكية اللى هيا 8 مليار . وكنا فاكرين ان هيا دى اللى معيشة مصر . طلع ان الغاز المصرى اللى بيروح اسرائيل بيكلف مصر 28 مليار . يعنى أكثر من ثلاث أضعاف المعونة .ليه كمان مش قادر تنظر فى اتفاقية كامب ديفيد . مش أرض سيناء دى أرض مصرية . ولا الجنود اللى ماتو فيها مالهومشى ثمن .
يعنى مش كفاية ضحايا الطائرة المصرية اللى ضربتها اسرائيل والإعدام الجماعى للأسرى المصريين . وضحايا قطار الصعيد . وضحايا العبارة . كل ده راح ببلاش .
لا يا ريس الدم المصرى مش رخيص .
وإذا كان شعب مصر نايم دلوقتى . أحب أقولك إن الوضع ده مش هيستمر كتير .
إنت عارف ومتأكد إن شعب مصر . شعب عظيم . قاهر الهكسوس والصليبيين والتتار والإنجليز . وكل ظالم .
بركان الغضب هيثور . وساعتها مفيش حاجة هترحم أى ظالم .
ودورنا إحنا . لازم نفوق . مش عايزين ناخد على أن دمنا رخيص . مش عايزين ناخد على شكل الضحايا ونسكت . لما سكتنا على الطيارة وإعدام الأسرى المصريين . راح دم الكتير ببلاش .
واللى بيقول إن احنا مش قد اسرائيل بنا كلامه ده على أى أساس . كانت مصر قد العدوان الثلاثى لما عبد الناصر أمم القناة . كانت مصر قد بناء السد العالى والمصانع والإصلاح الزراعى أيام الراحل عبد الناصر . كانت مصر قد إسرائيل فى 73 أيام عزها وخط بارليف وغيره . كانت مصر قد التتار وهيا من غير حاكم .
مصر طول تاريخها عظيمة . وسيناء لازم تتعمر . ويتبنى بها جيش يحمى حدودها .
أنا عايز أسأل سؤال وحد يجاوبنى :
لو إسرائيل دخلت تضرب سيناء . كامب ديفيد هتحمينا . الأمم المتحدة هتحمينا ؟
واللى بيقول إن جيش مصر مصر ضعيف . ممكن يجاوب :
كانت الحكومة بتعمل إيه لمدة 36 سنة ؟
عبد الناصر والسادات بنوا الجيش فى 6 سنوات .
عارفين يا جماعة إسرائيل بتقول ايه على سيناء .
الأرض المتنازع عليها .
إزااااااااااى . إزااااااااااااى . إزااااااااااى
أمال فين سيادة مصر على أرضها ؟
يا ريس . إنت قول بس . هنفسخ كامب ديفيد وهنزل جيش مصرى فى سيناء وهنقطع الغاز عن إسرائيل . وهنقطع كل العلاقات معها .
صدقنى هتلاقى 80 مليون مصرى وراك . هينسوا الجوع والفقر . وهيكونوا مستعدون للموت فى سبيل الله والوطن . فى سبيل كل حبة رمل من أرض مصر .
إحنا مش أقل من شعب غزة .
يا ريس . شعب مصر مش جباااان .
ودى مش شعارات . دى الحقيقة . والتاريخ كله بيصدق على كلامى . ولو مش مصدق إعمل إستفتاء . وسيب الشعب يعبر عن الضغط اللى جواه .
اللى موافق على كلامى ما يقرأشى ويمشى . عايزين الكل يعبر عن رأيه .
واللى عنده رأى تانى يتفضل يقوله .
سيدى الرئيس لتانى مرة
بقولهالك عشتنا مرة
سيدى الرئيس مفيش مسرة
بنزين وعيش وهلم جرة
سيدى الرئيس لتانى مرة
بقولهالك عشتنا مرة
سيدى الرئيس اسمع كلامي
ولو سمحت
حس بألامي
جوه بلدنا بنحتاج محامي
وحقى ضايع وممنوع كلامي
سيدى الرئيس لتانى مرة
بقولهالك عشتنا مرة
سيدي الرئيس هو انت فاهم
ان بلدنا فيها فقر دايم
وخيرها فى سويسرا مساهم
وياخوفى لتكون ياسيدى واهم
اننا لكلا م سيادتك مصدقيين
او اننا عن حكمكم راضيينا
و اننا من ظلمكم مش مخنوقيين
سيدى الرئيس لتانى مرة بقولهالك عشتنا مرة
سيدى الرئيس الحق تاه
مش مصر بردك فيها قناهوغاز طبيعى وزيت ومياه
والشعب دايخ فين يلقاه
ومفيش ياريس فلوس وياه
سيدى الرئيس لتانى مرة بقولهالك عشتنا مرة
سيدى الرئيس لو لينا خاطر
عيشين ياريس بين المخاطر
اكل مسرطن وزيت مقاطر
والناس فقيرة وهموم كتييرة
واللى بيسرق هو اللى شاطر
سيدى الرئيس لتانى مرة بقولهالك عشتنا مرة
سيدى الرئيس الحق ضايع
وعلى القهاوي شبابنا صايع
والكل شايف والكل سامع
سيدى الرئيس لتانى مرة بقولهالك عشتنا مرة
نحن الموقعون أدناه الذين يستشعرون مخاطر جسيمة تلوح نذرها في الشارع المصري المحتقن، بكل طوائفه وأطيافه ، نعلن رفضنا التام والقاطع لمبدأ التوريث ووصول نجل الرئيس لهرم السلطة لإيماننا الكامل بتناقضه مع مبادئ الحرية والديمقراطية وتكافؤ الفرص بين أبناء البلد الواحد ، ولعدم قناعتنا بقدراته وإمكانياته لتولي هذا المنصب الحيوي الهام.
لقد دأبنا منذ أن شاعت أنباء سيناريو التوريث على الاستماع إلى الرئيس، وإلى نجله المتهم بالسعي لوراثة الحكم ، وهم ينفون مخططهم للتوريث ، بينما نشاهد على صعيد الواقع ما يناقض كل هذه التصريحات بما فى ذلك العبث بالدستور. إن المصريين يدركون أن إضفاء الحد الأدنى من المصداقية على حملات النفي المتكررة من النظام لسيناريو التوريث، قرين بأن يبادر الرئيس ونجله باتخاذ مجموعة من الإجراءات الفعلية، بعيدا عن التصريحات التي لم يعد أحد داخل مصر ولا خارجها يصدقها، والتي يعني تجاهلها أو الالتفاف عليها عبثا ومساسا بمستقبل البلاد وأمنها القومى:
أولا: إستقالة نجل الرئيس الفورية من جميع مناصبه في الحزب الوطنى الديمقراطى، وإلغاء ما يسمى بلجنة السياسات والتي استحدثت في الحزب لتمكينه من إحكام قبضته على سياسات الحزب والحكومة ، ونطالبه بالعودة لصفوف الشعب ليكون في خدمة بلده كأي مواطن عادي.
ثانيا: ابتعاد نجل الرئيس تماما عن كل صلاحيات وسلطات والده الرئيس ونشاطات الحكومة الرسمية التى يمارسها بدون أى سند دستوري أو قانونى، وبلا تفويض شعبي بما فيها الجولات والزيارات الخارجية.
ثالثا: يتحتم على الرئيس تعيين نائبا له كما نص الدستور ومراعاة لجسامة أعباء المنصب وتقدم عمره وحالته الصحية.
رابعا: يشرع الرئيس فورا في الاستجابة للمطالب التي تمثل الحد الأدنى للتوافق الوطني ومنها تشكيل جمعية وطنية لصياغة دستور جديد للبلاد ، إقرار قانون استقلال السلطة القضائية، إلغاء قانون الطوارئ ولجنة الأحزاب ، الافراج عن جميع المعتقلين السياسين ، وإطلاق حرية النقابات والجامعات والجمعيات المدنية.
لهذا فنحن نهيب بكل الشرفاء من أبناء مصر ، فى الداخل والخارج ، أن يقفوا في خندق جموع الشعب الرافضة للتوريث ووصول نجل الرئيس خلفا له، وأن يكونوا على استعداد لدفع هذا البلاء بغض النظر عن التضحيات.
والله من وراء القصد، وتحيا مصر
?....لو لم أكن مصريا .. لوددت أن أكون
مصطفى كامل هو مصطفى كامل باشا ابن علي محمد، نابغة مصر في عصره، وأحد مؤسسي نهضتها الوطنية. ولد في القاهرة سنة (1291هـ)، كان أبوه ضابطًا مهندسًا، عني بتعليمه فأحرز شهادة الحقوق من جامعة "تولوز" بفرنسا قبل بلوغه العشرين. وكان فصيحًا، ساحر البيان، انصرف إلى مقاومة الاحتلال الإنجليزي بخطبه ومقالاته وكتبه، ونشر دعوته السياسية في صحف فرنسا ومجلاتها، وأنشأ في مصر جريدة "اللواء" اليومية سنة (1900م)، وأنشأ جريدتين: إحداهما بالإنجليزية، والثانية بالفرنسية وسمى كلاً منهما "اللواء" أيضًا، ودعا إلى إنشاء الحزب الوطني فانعقد أول اجتماع له سنة (1907م) بدار اللواء، وانتخب رئيسًا له طوال حياته. وله عدة كتب منها: "حياة الأمم والرق عند الرومان"، و"فتح الأندلس" قصة، و"المسألة الشرقية"، و"دفاعُ مصري عن بلاده"، و"الشمس المشرقة" في حرب اليابان وروسيا، و"مصر والاحتلال الإنجليزي"، و"رسائل
مصرية فرنسية". توفي شابًّا سنة 1908م
http://www.almoarekh.com/forum/index.php?showtopic=227"
ومن أشهر ما قال
" لا يأس مع الحياة ولا حياة مع اليأس."
"لو لم أكن مصريا لوددت أن أكون مصريا "
لو لم أكن مصريا .. لوددت أن أكون ..أى حاجة تانية
ما الذى يدفع أي إنسان أن يعتز بإنتمائه لبلده؟؟ ما الذى يجعل واحد مثل حليم يشدوا بكل فخرأحلف بسماها و بترابها..أحلف بالقمح وبالمصنع..أحلف بالمدنا و...الخهذا الإعتزاز و ذلك الفخر لابد أن يكون له سبب ..وسببه في اعتقادي هو الحب..أكيد الناس دي بتحب مصر..بتموت فيها..بتعشق سماها وهواها وترابها وناسها..والذي منه !!لكن ليه ؟؟ ليه الناس دى بتحب مصر؟؟ ليه الست كانت بتقول:مصر التى فى خاطرى و فى دمى .. أحبها من كل روحى و دمىمفيش حب كده من الباب للطاق ..متقوليش عشان اتولدت مصري يبقى لازم تحب مصر وتموت فى دباديبها..متقوليش حب من أول نظرة..لأن أكيد تاني و تالت نظرة حتخليك تغير رأيك..متقوليش حب من طرف واحد .. يعنى الطرف التانى يديك بالجزمة القديمة وانت بتصرخ .. بحبك بحبك
فى رأيي أن الحب علاقة متبادلة بين طرفين..مشاعر ماشية فى اتجاهين..يعنى لازم البلد تحبك عشان تحبها ..وبسلامتها البلد دى تحبك ازاى ؟؟؟
..أقولك!!تحبك يعنى
ترعاك .. تهتم بيك .. بالبلدى كده تعبرك .. تحسسك إنك بني آدم لك قيمة وليك رأى..تعترف أن ليك حقوق زى ما عليك واجبات من حقك تأكل لقمة نضيفة من غير مبيدات ولا مسرطنات ولا تقاوي فاسدة ..من حقك تاكل رغيف عيش من غير مسامير ولا صراصير ولا بلا أزرق
من حقك تتنفس هوا نضيف من غير هباب ولا أطران ولا دخان مصانع وكبريت ورصاص وسخام أسود منيل بستين نيله..
من حقك تلاقى مواصلة تركبها من غير بهدلة و شحططه ومرمطة وتزنيق و تلزيق وبلطجة وقلة أدب واللي مش عاجبه الباب يفوت جحش
من حقك تلاقى شغلة شريفة من غير ذل ومهانة وفوت علينا بكرة يا سيد .. من غير كوسة ومحسوبية وأبجني تجدنى وسكة أبو زيد كلها مسالك..
من حقك لو عييت تلاقى حتة تتعالج فيها بكرامتك وتتعامل كإنسان محترم مش كأنك متسول جاي تشحت من الدكتور اللي أصلاً قرفان من نفسه ونفسه يديلك حقنة هوا عشان يخلص من أمثالك الأوباش الجرابيع
عارف أنا ابن مين يا ابن ال .... ويبقى نهار أبوك أسود لو طلع أبوه ظابط و لا وزير و لا......... واللي له ضهر مينضربش على بطنه..
من حقك لو دخلت قسم الشرطة تخش بثبات بدون رعب من غير ما تبص حواليك خوفا من قفا طاير أو شلوت ضل الطريق أوروسية تبحث عن ضحية أو شتيمة عابرة للقارات ده غير السحل و النفخ وهتك العرض و السفالة وقلة الأدب و المواطن مجرم وابن ستين ... حتى تثبت براءة اللي جابوه ... ويا ويلك يا سواد ليلك لو كانت دقنك منبته انشالله تقاوى شعر .. يبقى انت ارهابي .. واشحن على أمن الدولة لحد ما يبانلك صاحب.. وإن بانلك صاحب يبقى نهار أبوه أسود هو كمان
من حقك تتفرج على تليفزيون بلدك تحس بالفخر..تشوف مدارس بتتبنى ومصانع بتشتغل و كباري بتتفتح و مستشفيات بتتجدد و مدن بتتعمر وشباب زى الورد بيشتغل و يبني ويعمر ويضحي بعرقه ودمه.مش تشوف بلد بتتسرق..وعبارة بتتحرق..وقضاة بتنضرب..وصحفيين بتتسحل..وأسعار كل يوم بتولع..والحرامية اللي سرقوا البلد إما في أوروبا أو في مارينا..وحكومة مش فاهمة حاجة فى أي حاجة ورئيسها بيقول الشعب لازم يرضع الديمقراطية بالبزازة..ومجلس شعب دايماً موافق وهو نايم بيشخر..وأكبر راس فى البلد مرعوب وخايف يحط إيده فى بق الأسد..مستني لما الأسد يهبش ....... مش إيده..والكتكوت ننوس عين ماما متصدر فى الفاضية و المليانة ونافخ ريشه عشان يورينا إنه دكر و بيعرف يكاكي زى بابا
يا ترى بعد كل ده لسة مش فاهمين ليه الشباب بيسيب البلد و يهج؟؟ !! يا ترى لسة مش فاهمين ليه طلبة المنصورة ما صدقوا حطوا رجلهم فى أمريكا ومحدش شافهم تانى ؟؟..لسة مستغربين ليه كرم جابر و بوجي بيدوروا على الجنسية الأمريكية؟؟..لسة بتسألوا فين أحمد زويل و فاروق الباز و مجدى يعقوب..وغيرهم كتير و كتير؟؟...... يا ترى كل دول خونة و مجرمين و معندهمش و لاء وانتماء؟؟
طاطي راسك طاطي طــــاطي
بقلم: أحمد فؤاد نجم
طاطي راسك طاطي طــــاطي
انت ف وطن ديمقراطـــــــي
انت بتنـــعــــم بالحــــــــــرية
بس بشرط تكون مطاطــــــي
لما تكون شغــال بذمــــــــــة
خايف على مصــلحة الأمــة
شغلك يطلع من غير لازمــة
علشان مبيعلاش غير واطي
طاطي راسك طاطي طاطـــي
انت ف وطن ديمـــــقراطي
لما حاميها يكون حراميــها
وبلاده ورا ضهره رامـيـها
طالع نازل واكل فيـــــــــها
مسنود بالبدلة الظباطــــي
طاطي راسك طاطي طاطـــي
انت ف وطن ديمـــــقراطي
لما شــقاك يصــبح مش ليك
فقرك سد السكة علــــــــــيك
تتلفّت تلــــقى حـــوالـــــــيك
إما حرامي و إما عقــــاطي
طاطي راسك طاطي طاطــــي
انت ف وطن ديمقراطـــــــي
لماتلاقي بـــــلاد الـدنـيـــــــا
فيها البني آدم حــــاجة تانية
وانت في الطبقات الـــــــدنيا
قرد مسلسل أو وطواطــــي
طاطي راسك طاطي طاطـــي
انت ف وطن ديمقراطــــــي
لما الجهلة يبــــــقوا أمــامــك
أو فوقك ماسكــين ف زمامك
ويسوقك ع الهــلكة إمامك
تشرب م السم السقـــــراطي
يطاطي راسك طاطــــي طاطي
انت ف وطن ديمقـــــــراطي
لمــــا الكلـــمة تكون بتدينـك
لما تخبي ف قلـــــــبك دينــك
لما الذل أشوفه ف عيـــــــنك
هات إحباطك على إحباطــــي
طاطي راسك طاطي طاطـــي
انت ف وطن ديمقراطــــــي
انت ف وطن ديمقراطـــــــي
اغضب
اغضب فإن الله لم يخلق شعوباً تستكين
اغضب فإن الأرض تـُحنى رأسها للغاضبين
اغضب ستلقىَ الأرض بركاناً ويغدو صوتك الدامي نشيد المُتعبين
اغضب
فالأرض تحزن حين ترتجف النسور
ويحتويها الخوف والحزن الدفين
الأرض تحزن حين يسترخى الرجال
مع النهاية .. عاجزين
اغضب
فإن العار يسكـُنـُنا
ويسرق من عيون الناس .. لون الفرح
يقتـُل في جوانحنا الحنين
ارفض زمان العهر
والمجد المدنس تحت أقدام الطغاة المعتدين
اغضب
فإنك إن ركعت اليوم
سوف تظل تركع بعد آلاف السنين
اغضب
فإن الناس حولك نائمون
وكاذبون
وعاهرون
ومنتشون بسكرة العجز المهين
اغضب
إذا صليت .. أو عانقت كعبتك الشريفة .. مثل كُل المؤمنين
اغضب
فإن الله لا يرضى الهوان لأمةٍ
كانت - وربُ الناسِ- خير العالمين
فالله لم يخلق شعوباً تستكين
اغضب
إذا لاحت أمامك
صورة الكهان يبتسمون
والدنيا خرابٌ والمدى وطنٌ حزين
ابصـُق على الشاشات
إن لاحت أمامك صورة المُتـنطعين
اغضب
إذا لملمت وجهك بين أشلاء الشظايا
وانتزعت الحلم كي يبقى على وجه الرجال الصامدين
اغضب
إذا ارتعدت عيونك
والدماء السود تجرى في مآقي الجائعين
إذا لاحت أمامك أمة مقهورة خرجت من التاريخ
باعت كل شئٍ
كل أرضٍ
كل عِرضٍ
كل دين
ولا تترُك رُفاتك جيفةً سوداء كفنها عويل مُودعِـين
اجعل من الجسد النحيل قذيفة ترتج أركان الضلال
ويُـشرق الحق المبين
اغضب
ولا تُسمع احد
فإنك إن تركت الأرض عارية
يُـضاجعها المقامر .. والمخنث .. والعميل
سترى زمان العُـهر يغتصب الصغار ويـُـفسد الأجيال
جيلا ً.. بعد جيل
وترى النهاية أمة . مغلوبة . مابين ليل البطش . والقهر الطويل
ابصق على وجه الرجال فقد تراخى عزمُهم
واستبدلوا عز الشعوب بوصمة العجز الذليل
كيف استباح الشرُ أرضك ؟
واستباح العُهر عرضك ؟
واستباح الذئبُ قبرك ؟
واستباحك فى الورى
ظلمُ الطـُغاةِ الطامعين ؟؟؟
اغضب
إذا شاهدت كـُهَّان العروبة كل محتال تـَخـفـَّى في نفق
ورأيت عاصمة الرشيد رماد ماضٍ يحترق
وتزاحم الكـُهَّان فى الشاشات تجمعهم سيوف من ورق
اغضب
كـَـكـُـلِّ السَّاخطين
اغضب
فإن مدائن الموتى تـَضجُّ الآن بالأحياء .. ماتوا
عندما سقطت خيول الحـُـلم وانسحقت أمام المعتدين
إذا لاحت أمامك صورة الأطفال في بغداد
ماتوا جائعين
فالأرض لا تنسى صهيل خيولها
حتى ولو غابت سنين
الأرض تـُـنكر كـُـلَّ فرع عاجز
تـُـلقيهِ في صمت تـُـكـفـِّـنـُـه الرياح بلا دموعٍ أو أنين
الأرض تكره كل قلبٍ جاحدٍ
وتحب عـُـشاق الحياة
وكل عزمٍ لا يلين
فالأرض تركع تحت أقدام الشهيد وتنحني
وتـُـقبِّـل الدم الجسور وقد تساقط كالندى
وتسابق الضوءان
ضوء القبر .. في ضوء الجبين
وغداً يكون لنا الخلاص
يكون نصر الله بـُشرى المؤمنين
اغضب
فإن جحافل الشر القديم تـُـطل من خلف السنين
اغضب
ولا تسمع سماسرة الشعوب وباعة الأوهام .. والمتآمركين
اغضب
فإن بداية الأشياء .. أولها الغضب
ونهاية الأشياء .. آخرها الغضب
والأرض أولى بالغضب
سافرت في كل العصور
وما رأيت .. سوى العجب
شاهدت أقدار الشعوب سيوف عارٍ من خشب
ورأيت حربا بالكلام .. وبالأغاني .. والخـُطب
ورأيت من سرق الشعوب .. ومن تواطأ .. من نهب
ورأيت من باع الضمير .. ومن تآمر .. أو هرب
ورأيت كـُهانا بنوا أمجادهم بين العمالة والكذب
ورأيت من جعلوا الخيانة قـُدس أقداسِ العرب
ورأيت تيجان الصفيح تفوق تيجان الذهب
ورأيت نور محمد يخبو أمام أبى لهب
فاغضب فإن الأرض يـُحييها الغضب
اغضب
ولا تُسمع أحد
قالوا بأن الأرض شاخت .. أجدبت
منذ استراح العجز في أحشائها .. نامت ولم تُنجب ولد
قالوا بأن الله خاصمها
وأن رجالها خانوا الأمانة
واستباحوا كل عهد
الأرض تحمل .. فاتركوها الآن غاضبة
ففي أحشائها .. سُخط تجاوز كل حد
تـُخفى آساها عن عيون الناس تـُنكر عجزها
لا تأمنن لسخط بركان خمد لو أجهضوها ألف عامٍ
سوف يولد من ثراها كل يومٍ ألف غد
اغضب
ولا تُسمع أحد
أسمع أنين الأرض حين تضم في أحشائها عطر الجسد
أ سمع ضميرك حين يطويك الظلام .. وكل شئ في الجوانح قد همد
والنائمون على العروش فحيح طاغوت تجبّر .. واستبد
لم يبق غير الموت
إما أن تموت فداء أرضك
أو تـُباع لأي وغد
مت في ثراها
إن للأوطان سراً ليس يعرفه أحد
المشاركات
