ترامادول – أبتريل – تراماجاك – ترمال – و هلوس هلوس يا عم الحج

السلام عليكم
و صباحو ترمال على كنترمال على تراماجاك و أتنين أبتريل و ظبطو
حد شاف مآسى البلاوى ديه ؟
أنا أعتقد و متأكد إن العقارات ديه أكثر حرمة من الخمور
لو شربت إزازتين إى دى فودكا إمبارح بليل و نمت و صحيت دلوقتى .. هصحى فايق و خلصت المشكلة
لكن لو ضربت حبية أبتريل بليل و صحيت الصبح خد واحدة تانية ..
مش هبقى فايق … هتحول لحاجة تانية ..
شك فى كل حاجة و إحساس بالذكاء الخارق ..
” ” فلان عمل كده .. عشان كان من عايز منى حاجة…. لا لا لا .. هما كانوا عايزين يوقعونى فى مشكلة ..
لاااااااا .. الناس ديه كانت عامله ليا سححححححححححر .. ” “
و يا سلام لو من الناس إللى بتصدق أى هبل ..
يا سلااااااااااااااااااااااااام
هتضرب معاه خرافات و أختراعات جامدة ..
و يا سلام لما يكون عايش فى بيئة زى بيئة إبراهيم الأبيض .. أتفرج يا معلم على المشاكل إللى بتنبدع بأعلى و أقوى و أشد الأساليب .. ” الواقع أمر من فيلم إبراهيم الأبيض “
طبعا بيئة المشاكل بتخلى المترملين و المأتبرليين بيعملوا من الحبة قبة .. يعنى من أقل مشكلة أو تلميح أو شئ عادى .. تلاقى بلاوى و أختراعات طالعة ..
يعنى واحد نسوانجى مثلا .. واحدة جارته حلوه كده و طالعة بلبس البيت و كلمته بلطف شوية ..
يا سلااااااااااااااااااااااام .. فرجنى بقه على دماغه .. كل إللى هيفكر فيه ..إن هى عايزه ” قلة آدب يعنى ” و دماغه تروح و تيجى …
طبعا فى حالات محزنة ..
زى واحد بيقطع فى جسمه .. أو بيحاول يموت نفسه .. و تسأله ليه ؟
يقول كنت عايز أذوق طعم الموت ..
يا سلام على دماغك يا أبتريل ..
الترامادول و الترامال و الأبتريل و باقى الفريق العظيم لتدمير الأمة — لهم أضرار على المخ عظيمة جدا ..بتحول الناس إللى بتشرب لمخلوقات لها صفات متقاربة ..
بالبلدى كده … الشريبة كلهم تصرفاتهم واحدة ..
طبعا ده واضح جدا لأى حد شاف حالات كتير ..
هنعمل أيه ؟
و نعيش مع الناس ديه أزاى ؟؟
و هنبص فى وش الصيدلى إبن الكلب إللى بيبيع البرشام ده من غير روشته أزاى ؟
آآآآآآآآآآآه .. نفسى أدبحهم فى ميدان عام..
و مايقلقش أى صيدلى بيبع من الموضوع ده .. لإنى هكون ضارب برشمتين أبتريل قبل ما أدبحه
شوية أضرار كده على السريع لعقار التراماضول هيدروكلوريك
http://www.elmalakrx.com/Arabic/drug_sheets/tramadol.htm
الآثار الجانبية

الأقراص المخدرة المتداولة بين الشباب



الصراصير

أبو صليبه

الفراوله

أبو زومبه


ده أسماء بعض الأدوية المخدرة المتداولة بين الشباب

هناك صيادلة للأسف باعوا ضمائرهم بسب المكسب الوفير والمال السريع وطبعاً ده حرام من كل ناحية
وللأسف باعوا مبادئ المهنة التى تعلمناها فى الجامعه والكلية وهؤلاء الصيادلة يبيعون بعض الأدوية المخدرة للشباب والأسماء التى ذكرتها بالأعلى هى أسماء أدويه ولكن هذة أسماء الشباب وليس أسماء الادوية العلمى

هذه الأدويه هى أدويه مخدره أنتشرت بين أوساط الشباب فأطلقوا عليها أسماء هلاميه مثل تلك الأسماء

يعنى مثلا :

* حبوب الصراصير

هى دواء الباركينول parkinol ودى حبوب تستخدم لعلاج الشلل الرعاش

ولكن الشباب الضال يستخدم هذه الحبوب فيخيل له أنه يرى الدنيا كلها على حسب مذاجه لأنها تصيبه بحاله من الهلوسه ( و برضه بتعمله دماغ )

* أبو صليبه

هو حبوب الريفوتريل اللى بتستخدم أساسا لعلاج الصرع و سموها أبو صليبه ( قصدى المدمنين مش الشركه ) لأن القرص محفور عليه صليب زى اللى فى الصوره كده




والريفوتريل هو احد الأدوية التي تصنف ضمن مجموعة البنزودايازبين ومن الأدوية الشبيهة به دواء الفاليوم، واللوكساتينيل والزاناكس، والاتيفان وكل هذه الأدوية لها استخدامات طبية لبعض الأمراض الجسدية والنفسية وهذا النوع من الأدوية يتم صرفها بشكل مقنن وبوصفات طبية خاصة ولابد أن تستخدم تحت اشراف طبي، ويجب الحذر من الإسراف في تناولها لفترات طويلة.

وتسبب هذه الأدوية التعود عليها ولا تخلو من تأثيرات سلبية على التركيز والذاكرة والمزاج والحركة. كما أن التوقف عنها بعد استخدامها لفترة طويلة يؤدي إلى أعراض انسحابية تتلخص في التوتر والقلق وكآبة المزاج والرعشة والعصبية وقلة النوم وقد تكون الأعراض الانسحابية شديدة جداً تصل إلى الإصابة بالتشنج وفقدان الوعي.

وعلاج الإدمان على دواء الريفوتريل والأدوية الشبيهة به لابد أن يتم تحت إشراف طبي ويتلخص في الغالب باستخدام أدوية بديلة تمنع ظهور الأعراض الانسحابية ويتم بعدها تخفيض هذه الأدوية بشكل تدريجي ولا بد من معالجة السلوك الادماني لدى متعاطيها وتدريبه على المهارات التي تقلل من الرغبة وفرص العودة لهذه الأدوية وكذلك تدريبه على الوسائل التي تزيد من الاسترخاء الجسدي وتخفيف التوتر.

* الفراوله

هى حبوب السيكوتال وسموها الفراوله لأن لونها أحمر زى الفراوله و الحبوب تلك تستخدم لعلاج بعض الأمراض النفسيه

* أبو زومبه

وده الفاليوم valium ومش عارف صراحه سموه أبو زومبه ليه ... ؟؟؟ و الفاليوم منوم و مهدئ معروف ويستخدمه بعض الرياضيين


كل هذة الأدوية تستخدم لعلاج بعض الأمراض
وللأسف الصيادلة بيبعوها للشباب على انها ( مزاج ) وليست دواء

الأضرار الناتجة عن هذة الأدوية التى يتعاطها الشباب :

أولا: الأضرار الدينية:
• 1. تصرف عن ذكر الله وعن الصلاة التي هي عماد الدين الإسلامي.
• 2. تورث الخزي والندامة وتذهب الحياء.
• 3. تقضي على الجوانب الخيرة في الإنسان.
• 4. توقع البغضاء والتشاحن بين متعاطيها.

ثانيا: الأضرار الصحية:
• أ. ضمور الخلايا بالنسبة لضمور الخلايا في المخيخ فينتج عنه فقدان المريض قدرته على الوقوف دون أن يتأرجح أو على المشي دون أن يترنح.
• ب. أمراض ناشئة عن الأضرار بالمخ :
• 1. اضطرابات في القدرة العقلية والمعلومات.
• 2. نوبات مختلفة من الهذيان ونوبات صرع.
• 3. شلل من النصف الأعلى أو الأسفل من الجسم.

ثالثا: الأضرار الاجتماعية
• 1. إن الخمر والمخدرات هي التي تعطي الشجاعة واللامبالاة في ارتكاب الجريمة.
• 2. لم تحدث جريمة اغتصاب واحدة إلا وكان المجرمون أو بعضهم في حالة سكر بين أو تخدير.
• 3. لن يكون لدى المدمنين من مجال لأي عمل إلا في الترويج والتهريب والاتجار بالمخدرات فهم الرقيق الجديد لهذه السموم.

رابعا: الأضرار الاقتصادية
• كما تفتك المخدرات بالجسم، فهي تفتك أيضاً بالمال، مال الفرد ومال الأمة فهي تخرب البيوت العامرة وتيتم الأطفال، وتجعلهم يعيشون عيشة الفقر والشقاء والحرمان، فالمخدرات تذهب بأموال شاربها سفها بغير علم إلى خزائن الذئاب من تجار السوء وعصابات العالمية والفرد الذي يقبل على المخدر يضطر إلى استقطاع جانب كبير من دخله لشراء المخدر، وعليه تسوء أحواله المالية ويفقد الفرد ماله الذي وهبه الله إياه، في تعاطي المخدر وفي التبذير من أجل الحصول على ويصبح بذلك من إخوان الشياطين. من الجدير بالذكر أن كثير من تجار المخدرات غير مدمنين
• خامسا: الأضرار النفسية
• *خلل في الإدراك الحسي العام
• *خلل في إدراك الزمن
• *اختلال في إدراك المسافات
• *اختلال في إدراك الحجوم
• *اختلال في التفكير العام (بطيء وصعب)
• *الصعوبة في النطق
• *التوتر النفسي والقلق المستمر
• *الشعور بعدم الاستقرار
• *إهمال النفس والمظهر
• *العصبية الزائدة والحساسية الشديدة
• *متقلب المزاج

أسأل أن يهدى شباب المسلمين وان يعافينا من شر هذة المخدرات عموماً

أسألكم الدعاء
__________________
بكيت وهل بكاء القلب يجــــدى ؟
فراق احبتى وحنين وجـــــــدى !
فما معنى الحياة اذا افترقنـــــــا ؟
وهل يفيد النــدم فلســــت ادرى !
فلا التذكار يرحمنى فانـســــــــى.
ولا الاشواق تـتركنى لنومــــــى .
فراق احبتـــــــى كم هز قلــبــــــى
وحتى لقاءهم سأظل ابكـــــــــــى...

أدوية الصراصير والأقراص المخدرة ورسالة الى كل من تسول له نفسه