انسى الدنيا بقلم الاخت مروه

انا عارفة ان كتير اوى مننا دلوقتى بقى عنده حالة تشاؤم ويأس من الحياه كلها لانه مقدرش يحقق اللى كان نفسه فيه مثلا فيه مننا مجبش المجموع الكبير فى الثانوية العامة ودخل كليه هو مش بيحبها وفى مننا اجبره المجموع الكبير انه يدخل الكليه اللى هو مش حببها لان اهله استخصروا المجموع الكبير فى كلية تانيه وفى مننا زعلان لانه مقدرش يحقق هدفه ف الحياه وكمان فيه الناس اللى قرفانه من كليتها واللى قرفان من شغله اوى ومش عارف يسيبه ولا يخليه فيه لان غيره مش لاقى ياكل بس ياريت نبص للواقع اللى احنا عايشين فيه ونحاول نرضى بيه لانه مبقاش فيه حل غير كده حاول تقنع نفسك باللى انت بقيت فيه زى ما انا بحاول اقنع نفسى يعنى مثلا لو انت دخلت كلية مكنش نفسك فيها حاول تحب الكليه الجديدة وتذاكر على قدر طاقتك وبجانب الكلية تحاول تنمى الحاججة اللى كان نفسك تدخلها كانها مثلا هوايه او اى حاجة يعنى مثلا لو كنت بتحب الكمبيوتر ممكن تروح مراكز النت تعمل ابحاث للناس اللى عاوزاها او مثلا تصميمات او اى حاجة كان نفسك كان نفسك فيها لو كنت نفسك تبقى صحفى حاول تعبر عن رايك وتكتب للمجلات والجرايد وممكن تكون احسن من اللى اتخرج من اعلام ومكنش ف بيذاكر ولا حابب انه مثلا يكون صحفى ولو كنت بتحب الوسيقى حاول تنمى هواياتك روح اى مكان يعلمك هوايتك وينميهالك مين علرف يمكن تبقى فى يم زى عمر خيرت او حد تانى ولو كنت مثلا بتحب رياضه معينه وكان نفسك تدخل تربيه رياضيه حاول تستمر فى رياضتك والعبها يمكن تبقى بطل كبير لو انت بقى مش حابب شغلك خالص حاجة من الاتنين يا اما تسيب الشغل وتدور على شغل تانى بس تلاقى الوظيفة بمرتب كويس او لو انت بكره كلمه وظيفة حاول مثلاتعمل مشروع صغير فى الحاجة اللى انت بتحبها بفلوسك لو كان مش معاك فلوس كتييير حاول تشترك مع اصحابك وان شاء الله ربنا هيوفقك