انا لسة صاحى بعد ما كنت ميت كنت ميت لمدة ساعتين تقريبا
البداية فى تمام الساعة التاسة صباحا ودخلت القطر كنت فاكر انهم طوروه زى اعلانات التلفزيون ما بتقول مع العلم انى بركب القطر غصب عنى لانه والدى حالف عليا ممنوع العربيات علشان الحوادث المهم اول مره المشوار بتاع القطر دا يعدى بسرعة كده بس هو ممكن علشان احنا انا واصحابى قضناها حكاوى فى طول المشوار المهم بعد ما وصلنا مدينه العذاب عذاب فى كل شئ رغم انى انا ليا سنه كامله فى البلد دى لكن لاول مره احس بعذابها الحقيقى فى كل حاجه درجه الحراره يلهوووووووى 900 درجه والارض هناك سايحه من الشمس طبعا انا رايح برضه غصب عنى محمد صاحبى عايز يعرف الجامعه المفتوحه ايه نظامها وعلى عايز يشوف المعهد بتاعه وحسن عايز يشوف المدينه الجامعيه رغم مراره وحراره وتكهنات وبلاوى المشوار لكن مشوار المدينه الجامعيه دا كان احلى مشوار لانى شفت ناس ليا فتره جامده ما شوفتهمشى ناس مش عايز اقول ازاى اوصافهم االمهم انهم خففوا شويه من العذاب وبعد لما خلصنا كل حاجه انهال عليا محمد وعلى احنا مش جايين الجامعه دى مش عايزين تعليم عندهم حق وهما اصلا ما شافوش حاجه انا عشت سنه فى الجامعه دى وفى المدينه دى لون بشرتى بقى عامل زى فلافيو اللى كان فى الا هلى وبعدين انا فى تربية رياضية يعنى مفروض يبقى مكتوب عليا كده
وركبنا السرفيس وعلى بعد خطوات منه يااااااااااااااه شفتها ومش هقول ليكوا مين هى دى
ورحنا قضيناها كده تسوق شويه وهما طبعا محمد وعلى انتهوا خلاص فصلوا شحن فصلوا كل حاجه ونمنا شويه فى الجامع تحت التكيف وماكناش عايزين نصحوا ولا عايزين نمشوا بس اهو احنا فى رمضان ولازم نفطر فى البيت وركبنا القطر والقطر اللى اخذ المشوار احنا وجايين فى 5 دقائق اخذها احنا وراجعين فى 40 ساعه وبعد كده كل واحد فينا راح البيت بتاعه انا عن نفسى روحت خلعت كل حاجه ورمتها على السرير والكرسى وفنشت حياتى لمدة ساعتين مت كنت ميت فعلا لانه مشوار جهنم عذاب
وخلينا بقى نكمل حوارات وايام العذاب الايام الجاية ايام الكلية ايام سنه تانية اللى ربنا يعديها بالسلام واخلص تربية رياضية علشان احقق شويه احلام
انصحكوووووووو بلاش تروحوا الجامعه دى جامعه الجبل والعذاب
انصح كل اصحابى ما تفكروش فيها ابدا
ربنا قنا عذاب النار
دى مش عذاب نار دى عذاب كل حاجه
كنتم مع يوميات فى جامعة العذاب
مع تمنياتى لكم بالعذاب دائما
المشاركات
ليست هناك تعليقات:
إرسال تعليق